ජීවිත දෙකක් බිලිගත් යාපනයේ දුම්රිය අනතුර

යාපනය, ඉනුවිල් ප්‍රදේශයේදී දුම්රියේ ගැටීමෙන් දෙදෙනෙකු ජීවිතක්ෂයට පත්ව තිබෙනවා.

අප වාර්තාකරු පැවසුවේ ප්‍රධාන මාර්ගයක පිහිටි දුම්රිය හරස් මාර්ගයක් හරහා ධාවනය වූ වෑන් රථයක් ඊයේ (14) රාත්‍රියේ දුම්රියේ ගැටීමෙන් පියෙක් සහ මාස 06 ක බිළිඳිය මිය ගොස් ඇති බවයි.

අනුරාධපුර සිට කන්කසන්තුරේ දක්වා ධාවනය වූ නගරාන්තර සීග්‍රගාමී දුම්රියක ගැටීමෙන් මෙම අනතුර සිදුව තිබෙනවා.

දුම්රිය හරස් මාර්ගයේදී වෑන් රථය ධාවනය වූ අවස්ථාවේදී එහි මුරකරුවෙකු නොසිට ඇති අතර වෑන් රථය පැදවූ රියදුරුගේ අපරික්ෂාකාරී රිය ධාවනය අනතුරට හේතු වන්නට ඇති බවටයි පොලීසිය සැක පළ කරන්නේ.

අනතුරින් පියා සහ දියණිය එම ස්ථානයේදීම මියගොස් ඇති අතර බරපතල තුවාල ලැබූ මව මේ වනවිට යාපනය ශික්ෂණ රෝහලේ දැඩි සත්කාර ඒ්කකයේ ප්‍රතිකාර ලබනවා.

මෙම අනතුරින් මියගොස් ඇත්තේ 32 හැවිරිදි වියේ පසු වූ පියා වූ සයන්තන් සහ ඔහුගේ දියණිය වූ මාස 06 ක් වයසැති අප්සරා නැමැති දෙදෙනෙකි.

යාපනය ශික්ෂණ රෝහලේ ප්‍රතිකාර ලබන 22 හැවිරිදි මවගේ තත්වයද බරපතල බවයි වාර්තා වන්නේ.