වඳුරඹ, නාත්තවල ප්‍රදේශයේ දී ඊයේ (26) උදෑසන කාන්තාවක් ඝාතනය කර තිබෙනවා.
වඳුරඹ පොලීසිය පැවසුවේ මෙලෙස ඝාතනයට ලක්ව ඇත්තේ නාත්තවල ප්‍රදේශයේ පදිංචිව සිටි 45 හැවිරිදි කාන්තාවක් බවයි.
මෙම කාන්තාව අනියම් සම්බන්ධතාවක් පවත්වාගෙන ගිය පුද්ගලයෙකු විසින් මහමඟදී තියුණු ආයුධයකින් පහර දී ඇය ඝාතනය කර ඇති බවයි පොලිස් විමර්ශනවලදී අනාවරණය වී ඇත්තේ.
එමෙන්ම ඝාතනය සිදු කළ පුද්ගලයා වස පානය කර සියදිවි නසාගැනීමට උත්සාහ කර ඇති අතර ඔහු කරාපිටිය ශික්ෂණ රෝහලට ඇතුළත් කර තිබෙනවා.
සිද්ධිය සම්බන්ධයෙන් වඳුරඹ පොලිසිය වැඩිදුර විමර්ශන සිදුකරනු ලබයි.
