මාළු මිලෙහි වාර්තාගත අඩුවීමක්

වෙළඳපොලේ මත්ස්‍ය මිල ගණන් පහළ ගොස් ඇති බව ධීවරයින් පවසනවා.

ඒ අනුව පසුගිය දිනවල රුපියල් දහස ඉක්මවූ මාළු කිලෝවක තොග මිල රුපියල් 300ත් 600ත් අතර මිලක් දක්වා පහත වැටී ඇති බවයි ඔවුන් පෙන්වා දෙන්නේ.

පරව් සහ ලේන පරව් කිලෝවක් රුපියල් 400කටත්, ලින්නා කිලෝවක් රුපියල් 300කටත්, ඇටවල්ලා සහ බලයා රුපියල් 300ත් 350ත් අතර මිලකටත් අලෙවි වන බව ධීවරයින් සඳහන් කළා.

පවතින ආර්ථික තත්වය හමුවේ පාරිභෝගිකයින් මිලදී ගැනීම අවම වීම හේතුවෙන් මෙලෙස මත්ස්‍ය මිලද පහත ගොස් ඇති බවයි ධීවරයින් පෙන්වා දෙන්නේ.

මේ අතර සමස්ත ලංකා පොදු ධීවර සමිති සම්මේනයේ ජාතික සංවිධායක රත්න ගමගේ ප්‍රවෘත්ති සාකච්ඡාවකට එක්වෙමින් කියා සිටියේ අධික පිරිවැය හේතුවෙන් බොහෝ ධීවරයින් මුහුදු යාම ද සීමා කර ඇති බවයි.